Israa’i fii Mi’raaj

KUTAA 3ƒƒαα SEENAA RASUULAA IRRAA.

●KUTAA 3ƒƒαα "A".


■Israa'aa fi mi'iraaja.
Israa’i fii Mi’raaj.

Haala hamaa akkasii kheeysatti Israa’a fii Al-Mi’raaj Rasuula
sallallaahu aleeyhi wasallam kabajuuf, da’waa amata dheeraa
boodaan dhufte.
Rabbiin ol tahe qissaa Israa’i Suurat Al-Israa’i keeysatti ibse, Waa’ee
Al-Mi’raaj ammoo Suuraa An-Najm keeysatti dubbate.
***
Imalli Rasuulli sallallaahu aleeyhi wasallam Israa’i fii Mi’raaj
kheeysatti godhe sun irra guddaa Mu’jiizaa Rabbiin Ergamaa
Isaatiif kennerraahi.
• Israa’a jechuun deemsa halkan Makka irraa gama Masjida Al-
Aqsaa godhame.
• Mi’raaj jechuun deemsa Al-Aqsaa irraa gama samii torbanii
godhame.
***
Argamiinsi deemsa Israa’i fii Mi’raaji suni halkan tokkotti
raawwatte.
Rasuulli Sallallaahu Aleeyhi Wasallam Ishaa’ii Makkaah bahee Fajriidura Makkatti deebi’e.
Dhugumatti Mu’jizaa ilmi namaa yaaduu hin dandeenye irraahi
taate.
***
Jibriil Rasuula Sallallaahu aleeyhi wasallam itti dhufee Makkaa
Mana Isaatii gama Ka’abaa Isa geeyse.
Ka’abaa biratti Jibriil Rasuula sallallaahu aleeyhi wasallam Qooma
Isaa dhoosee Qalbii Isaa bishaan Zamzamiin dhiqe, Iimaanaa fii
Hikmaa itti guutee cufe.
***
Eegas Rasuulli sallallaahu aleeyhi wasallam Jibriil wajjiin “Buraaq”
Yaabbate.
Libsuu Ijaa Booda Rasuulli sallallaahu aleeyhi wasallam Jibriil waliin
Masjiida Al-Aqsaatti if arge.
***
Rasuulli sallallaahu aleeyhi wasallam hoggaa Jibriil wajjiin Masjida
Al-Aqsaa ol seene waan ajaa’baa arge.
Rabbiin Ambiyootaa fii Rusuloota (Ergamtoota) hunda Isaaf
jiraachise, achitti arge.
***
Lakkoofsi Ambiyaa kuma 123.
Rusuloonni 315.
Lakkooofsi Ambiyootaa fii Rasulootaa Hadiisa Abii Zarrii odeeyse
kan Ibnu Hibbaan Sahiiha Isaa keeysatti baase kheeysatti dhufe.
***
Hoggaa Rasuulli Sallallaahu aleeyhi wasallam Jibriil waliin Masjida
Al-Aqsaa ol seene Salaataaf ni iqaamame. Jibriil Rasuula Sallallaahu
aleeyhi wasallam duratti dabarse, akka imaamoota ilmaan namaatiif
(Ambiyootaaf) inni Imaama tahuuf jecha.
Sadarkaan sanitti qixxaattu ni jirtii?!! Imaamoota dhala namaa
hundaaf Imaama tahe Sallallaahu Aleeyhi wasallam.
***
Hoggaa Ambiyootaaf Imaama tahee salaata irraa rawwaate,
Rasuulli Sallallaahu aleeyhi wasallam Mi’raaj godhutti dabarfame.
Jibriil wajjiin hanga Libsuu ijaatti Samii Duniyaa gahan.Isaaniif banamee seenan, Rasuulli Sallallaahu aleeyhi wasallam Isii
kheeysatti waan ajaa’ibaa arge.
***
Rasuulli sallallaahu aleeyhi wasallam samii duniyaa kheeysatti
Abbaa ilmaan Namaa Aadam Aleeyhi salaam arge.
Ammas akkaataa warri qabeenya yataamaa (Ilmaan Abbaan irraa
du’e) miidhaa nyaatan itti azzabaman (Adabaman) arge.
***
Rasuulli Sallallaahu aleeyhi wasallam Samii duniyaa kheeysatti waan
argerraa:
Haala warra nama hamatuu itti azzabamu
Haala warra zinaa dalage itti azzabamu
Haala warra Ribaa (dhala) nyaatu itti azzabamu arge.
Dalagaa akkasii hamtuu hundarraa Rabbi nu haa tiiysu.
***
Rasuulli Sallallaahu aleeyhi wasallam egas gama samii lammaffaa
Jibriil waliin ol bahe.
Isii keeysatti Ilmaan haboo Yahyaa ilma Zakariyaa fii Iisaa ilma
Maryam Nageenyi Isaan irratti haa jiraatuu arge.
***
Eegas Rasuulli Sallallaahu aleeyhi wasallam gama samii 3ffaa Jibriil
waliin ol bahe.
Isii keeysatti Yuusuf Aleeyhi salaam arge.
Rasuulli Sallallaahu aleeyhi wasallam waa’ee Yuusuf irraa akkana
je’e: “Inni bareedina irraa cinaa/walakkaa kenname.” Akkas
jechuun bareedinuma waan ja’amu walakkaa Isaatu qaba.
***
Eegas Rasuulli Sallallaahu aleeyhi wasallam gama samii 4ffaa Jibriil
waliin ol bahe.
Isii keeysatti Idriis Aleeyhi salaam arge.
***
Eegas Rasuulli sallallahu aleeyhi wasallam gama samii 5ffaa Jibriil
waliin ol bahe.
Isii keeysatti Haarun Aleeyhi salaam arge.Eegas gama samii 6ffaa Jibriil waliin ol bahe sallallaahu aleeyhi
wasallam.
Isii keeysatti Muusaa Aleeyhi salaam arge.
***
Eegas gama samii 7ffaa Jibriil waliin ol bahe sallallaahu aleeyhi
wasallam.
Isii kheeysatti Abbaa Ambiyootaa Ibraahim aleeyhi salaam arge.
***
Nabi Ibraahim Rasuulaan Sallallaahu aleeyhi wasallam akki je’een:
“Ummata keetirratti salaamtaa naaf qari’i, ammas wanni Isaaniif
himtu: Jannata biyyeen Isii bareedduu, bishaan Isii mi’aawaa,
habaqaalli (Chiginyiin) isii: SUBHANALLAAH,
ALHAMDULILLAAH, LAA ILAAHA ILLA ALLAAH,

ALLAAHU AKBAR.”