●KUTAA 1FFAA.
Dhalootarraa hanga Nabiyyummaa.
Abdullaahi bin Abdu Al-Muxxalib Aaminaa bint Wahab fuudhe.
Aaminaan Abdullahi irraa Ulfooyte. Aminaan ulfa Isii osoo hin
dahin Abdullaahi du’e.
***
Abdullahi bin Abdu Al-Muxxalib ilma Isaa garaa haadhaa jiruuf wanni dhiisee du’e: Gaala 5, Re’ee muraasa, gabrittii Habashaa
maqaan Isii Barakaa ja’amtu, Isiin Ummu Eymani.
***Guyyaa Isniinaa 12, Rabi’ul Awwal bara Arbaa Aaminaan ilma Isii
Adunyaaf ifaa fii Rahmata tahe Nabiyyii Sallallaahu aleeyhi
Wasallaam deeyse.
***
Dhalatee guyyaa 7ffaa hoggaa gahu Akaakoon Isaa Abdu Al-
Muxxalib Absumaa irraa godhe (Isa kitaaane), Maqaadhas
Muhammad jechuun Isa moggaase Sallallaahu Aleeyhi Wasallam.
***
Haati Isaa Aaminaan guyyaa 3 Isa hoosiste, egas Suweeybaa
gabrittii adeera isaa tan Abuu Lahabtu Isa hoosise.
***
Suweeybaan Isa Sallallaahu Aleeyhi wasallam dura Hamza bin
Abdulmuxxalib, Abuu Salamaa bin Abdu Al-Asad hoosiiste turte.
***
Egasii Haliimah As-Sa’diyyaan ilmaan isii wajjiin Isa Sallallahu
Aleeyhi wasallam hosiiste.
Ilmaaan Isiidhaa:
Abdullahi
Sheymaa’a
Aniisaa
***
Warra Isa wajjiin hodhe hoggaa lakkooyne, Rasuulli Sallallaahu
aleeyhi wasallam Obboleeyyan 7 khan wajjiin harma luuge/hodhe
qaba.
Isaanis:
1.Hamzaah bin Abdu Al-Muxxalib Adeera Rasuulaa sallallaahu
Aleeyhi Wasallam.
2.Abuu Salamaah Abdullaahi bin Abdu Al-Asad AlMakhzuumii
3.Abuu Sufiyaan bin Al-Haaris (Ilma Adeera Nabiyyii
sallallaahu aleeyhi wasallam).
4. Masruuh (Ilma Suweeybaa)
5.Abdullaah
6.Al-Sheymaa’i
7.Aniisaa
***
Rasuulli Sallallaahu Aleeyhi Wasallaam Obboleeyyan wajji dhalate
kan gama Abbaa tahee, kan gama haadhaatis hin qabu.
***
Rasuula Sallallaahu Aleeyhi Wasallam qoomni Isaa jalqaba kan
dhoofame Halimaa As-Sa’adiyaa bira osoo jiruuti. Jibriil Qooma
Isaa baqeeysee onnee Isaa Zamzamin dhiqe.
***
Egas Jibriil qooma isaa walitti cufe. Duyda Rasuulaa Sallallaahu
Aleeyhi Wasallam irratti Mallattoo Khaatama An-Nabiyyi (xumura
Nabiyyummaa) irratti dhawe.
***
Egas Sheeyxaanni Isarratti karaa dhabe. Akkasitti Rasuulli
Sallallaahu Aleeyhi wasallam jechaa fii dalagaan Isaa tiiyfamaa taate.
***
Khaatima An-Nabawiin Foon dabalataa duyda Rasuulaa Sallallaahu
Aleeyhi wasallam jihaa onnee isaatin jiru hoggaa tahu, Killee
Handariitti qixxaata.
***
Rasuulli Sallallaahu aleeyhi wasallam amata lama Halima As-
Sa’adiyaah biratti eega hoosifame booda gama haadha Isaa
Aaminaatti deeffame.
***
Aaminaan umriin Isaa waggaa 6 hoggaa tahu irraa duute. Abdu Al-
Muxxalib eega haati Isaa duute Isa guddisuuf if qabe.
***
Akaakoon Isaa Abdu Al-Muxxalib umriin Rasuulaa Sallallaahu
Aleeyhi wasallam waggaa 8 hoggaa gahe ni du’e. Abuu XaalibAdeerri Isaa ega Akaakoon Isaa du’e booda isa guddisuu eegale.
***
Rasuulli Sallallaahu Aleeyhi Wasallam Re’ee tiysee ture.
Harba Al-Fijaar lola ja’amu Rasuulli Sallallaahu Aleeyhi wasallam
dhaqeeti jira.
***
Rasuulli Sallallaahu Aleeyhi Wasallam Hilfa Al-Fuduul irrattis
argamee jira. Hilfa Al-fuduul miidhamaa Makkaa kheeysatti
gargaaruuf waligaltee gaafa Jaahiliyyaa godhamte.
***
Rasuulli Sallallaahu Aleeyhi wasallam amata 25tti nagadda
Khadiijaatiif gama Shaam gabricha Khadijaa Meeysaraa wajjiinbahe.
***
Rasuulli Sallallaahu Aleeyhi Wasallam san booda Khadijaa
fuudhe. Gaafa Isii fuudhu Umriin Isaa Sallallaahu Aleeyhi
Wasallam amata 25, umriin Khadijaa amata 40 ture.
***
Rasuulli sallallaahu aleeyhi wasallam ilmaan hunda Khadiijaa irraa argate,
Ibraahim malee, Inni khan Maariyaa Al-Qiphiyyaati.
Rasuulli sallallaahu aleeyhi wasallam Khadiijaan irraa ilma duraa Qaasim argate.
Qaasimiin Kabajanii “Abu Al-Qaasim” Abbaa Qaasim jechuun Isa yaaman. Ilmaan
Khadiijarraa argate hundi Nabiyyummaa dura dhalatan Abdullaahi malee, Inni
Xaahir fii Xayyib jechuunis ni moggaafama waan Islaamummaa kheeysatti
dhalateefi akkasitti yaamame.
Ilmaan Rasuulaa sallallaahu aleeyhi wasallam khan dhiiraa hundi daa’imummaatti
dhuman, Dubartoonni ammoo hundi Islaama dhaqqabanii, Islaamawanii, hanga
heerumanitti jiraatanii du’an. Ilmaan Isaa kan dubartii hundi Osoo Rasuullisallallaahu aleeyhi wasallam lubbuun jiru du’an, Faaximaa malee Isiin baatii 6 Isa
booda turtee duute.
Rasuulli Sallallaahu aleeyhi wasallam Khadijaa irraa ilmaan argate.
Isaanis:
1.Al-Qaasim
2.Zeeynab
3.Ruqiyaah
4. Ummu Kulsuum
5. Faaximaah
6.Abdullaahi
***
Rasuulli sallallaahu aleeyhi wasallam gaafa Qureeyshiin Ka’aba
Haaroomsitu wajjiin itti hirmaatee jira. Umriin Isaa gaafa sanitti
amata 35. Qureeyshiin osoo Ka’abaa Haaroomsitu Hajar Al-Aswad bakkatti
akka deebisuuf Rasuula Sallallaahu Aleeyhi Wasallam irratti waliif
galte.
***
Rabbiin Rasuula Sallallaahu aleeyhi wasallam fokkina warra
Jaahiliyyaa hundarraa isa tiyse. Taabootaaf takkaa hin salaanne,
farshoo takkaa hin dhuuyne.
***
Rasuulli Sallallaahu aleeyhi wasallam Nabiyummaa dura wanni
beekkamuu tureen: Haqa dubbachuu, Amaanaa jabeeysuu, Fira
maxxanfachuu, akkasumas haalaa fii amala bareedaa hundaan
beekkamaa ture.Rasuulli Sallallaahu aleeyhi wasallam hoggaa amata 40 gahe, amalli
Nabiyyummaa irraa mul’atuu jalqabe.
***
Mallattoolee Nabiyummaa tan irraa Mul’ataa turerraa: Rasuulli
Sallallaahu aleeyhi wasallam manaabaa dhugaa arguu, Kophaa
bahuu, Dhagaa fii Mukni Isarratti salaammatuu eegale.
***
Kutaan jalqabaa kana ture kutaan lammaffaas Nabiyyummaa irraa hanga Hijiraa jedhu inshaa'allaah itti fufa.
Mashaallah
ReplyDelete