Seenaa rasuulaa kutaa 15

MAQOOTA RABBII GUDDAA 99.
أسماء الله الحسنى وصفاته
Afaan Oromootti kan hiikee qopheesse:

By Mohamed Nour Badri

Kan pdfdhan qindeesse: 【Al-risala-tube】

وَلِلَّهِ الأَسْمَاء الْحُسْنَى فَادْعُوهُ بِهَا وَذَرُواْ   الَّذِينَ يُلْحِدُونَ فِي أَسْمَائِهِ سَيُجْزَوْنَ مَا كَانُواْ يَعْمَلُونَ

A'araaf aayaa 180 irratti.∴Rabbiif maqaalee gaggaariitu jiruu,

maqaalee saniin isa kadhadhaa.
※Maqaaleen rabbii qalbii namaa keessatti,hiikkaa isaa warra
beekufii warra hin beekne biratti, maqoota hedduu kabajaa qabu
waan ta'eef, namoonni hedduun katabbii adda addaatiin
barreessanii mana ofititti maxxansan isa kana akka hiikkaa isaa
beeku, akka isaan rabbi kadhatu akka rabbiin gabbaruuf hiikkaa
baay'ee gabaabduu taate hiikkaa dheertullee osoo hin ta'in, tan
xinnoos ta'u namni irraa hubachuu danda'u hiikkaa goona.
※ Maqaalee rabbii keennaa kabajamoo ta'an kana akkana jedhani
gadi bu'anii ibsuudhaaf beekkumsa guddoo barbaada, nutilleen
hanguma beekkumsuma teenya gabaabdu tana irraa waa xinnoo
isinii ibsuuf carraaqqii goonee maddoota tokko tokko irraa barruu
gabaabdu tana keessatti isiniif qindeessine, irraa fayyadamaan
dhaamsa keenya. 【Al-risala-tube】
Namni keewwattoota Qur’anaatiifi sunnaa(Hadiisota)
qulqulluuta’an hordofe hunda isaanii walitti qabachuu
danda’aIsaanis
AfaanOromotin【qopheessaa】Namni keewwattoota Qur’anaatii fi sunnaa  (Hadiisota )qulqulluu ta’an hordofe hunda isaanii walitti qabachuu danda’a Isaanis

Afaan Oromo Tiin          

 Allaah   الله  

Gooftaa ibaadaa hundaa haqa godhatu 

1.  Arrahmaan 

Duniyaarratti hundaafuu kan Rahmaata godhu maqaan kun isa malee waan biraa ittin moggaasuun hin ta’u 

2. Arrahiim 

Akkuma Duniyaarratti karaa haqaatti isaan qajeelche Aakirattis mu’umintoota qofaaf Rahmaata kan Godhu 

3. Alafuwwu 

Irra dabraa gabricha tokko akka adabamuu qabu utuu beekuu  kan dhiisee fi irra dabru jechuudha 

4.  Algafuuru 

Araaramaa kan badii Namaarratti utuu nama hin saaxilin Namaa dhiisu jechuudha 

5.  Algaffaaru 

Kan utuu gabrichi Akkaan balleessuu Innimmoo Akkaan araaramuuf jechuudha 

6.  Arra‘uufu 

Abbaa Rahmata Guddaa :kan uumama isaa hundaaf Rahmata oolu 

7.  Alhaliimu 

Akkaan Obsaa :kan nama adabutti hin Ariifanne jedhama 

8.  Attawaabu 

Dhiifama Godhaa kan gabroottan isaa akka Dhiifama isa kadhatan taasisu 

9.  Assittiiru 

Haguugaa  kan gabricha isaa hin saaxillee fi kan gabrichi Isaa akka of hin saaxille barbaadu

1o.  Alganiyyu 

Dureessa kan uumama isaatti tasuma hin dhimmamne 

11.  Alkariimu 

Arjaa kan kenni isaa heedduu abbaa fedheef waan fedhee kadhaanis ta’e kadhaan maletti kan kennu

12.  Al’akramu

Akkaan Arjaa : kennuu keessatti kan bikka ga’e 

13.  Alwahhaabu 

Irra Badhaasaa /Qananiisaa dugda baasuun maleetti kan keennuu fi  Sababaan maletti kan Arjoomu 

14.  Aljawaadu 

Irra Arjaa kan kenni isaa baay’achuu keessatti hammanna hin jedhamne 

15.  Alwaduudu 

Jaallatamaa kan gabroottan isaa gaggaarii jaallatee namas jaallachiise isaan gammachiisu 

16.  Almu‘uxii 

Kennaa kan uumama isaa keessaa abbaa fedheef waan fedhee kennu 

17.  Alwaasi‘u 

Abbaa bal’inaa kan guddinni isaa mootummaan isaatii fi Rahmaatani isaa bal’aa ta’e 

18.  Almuhsinu 

Tola-oolaa kan ofii isaatii fi haalli isaa hundi guutuu fi gaarii ta’e 

19. Arraaziqu 

 Kennaa Rizqii  kan uumama hundaaf Rizqii qoodee akka isaaniin maluttii kennuuf 

20.  Arrazzaaqu 

Akkaan Hiraa kan utuu isaan itti balleessanii waan isaan barbaachisu kennuuf 

21.  Allaxiifu 

Hunda Beekaa kan waan dhokataa hunda beekuu fi kan waa isa jalaa hin dhokanne 

22.  Alkhabiiru 

Keessa beekaa  kan beekkumsi isaa waan hunda marsee jiru 

23.  Alfattaahu 

Kan Banu /Injifachiisu :kan dilbii qabeenya isaa abbaa fedhee banee mootummaas ta’ee qabeenya harka abbaa fedhee kaa’u 

24.  Al‘aliimu 

Irra Beekaa kan keessaa fi duuba waan hundaa waan darbeef waan sichi dhufu kan beeku 

25.  Albarru 

Akkaan Tola-oolaa :qananiin isaa Lakkofsa hin qabnee fi kan wareegni isaa dhugaa ta’e 

26.  Alhakiimu 

Beekaa Murtii  kan waan hundaa bakka isiin malu beeku 

27

Alhakamu

Haqa Murteessaa  kan haqa murteessuu fi akka namni ittiin Murteeffatuuf jechaa kitaaba haqaa kan buuse

28

Ashaakiru

1. Galateeffataa  Nama isa galatoomfatu kan faarsuu fi waan xiqqoo hojjetan kan Namaa qeebalu

29

Ashakuuru

Galateeffamaa kan hojii gabrichi Isaa baayyisee fi mindaa isaa dabaluuf 

30.  Aljamiilu 

Miidhagaa Innis maqaan isaatii fi haalli isaa bareedaa kan ta’e 

31.  Almajiidu 

BUlfaataa Samii keessattis Dachiirratti kan kabajamuuf olta’iinsi kan isaaf malu 

32.  Alwaliyyu 

Jaalallee Hundaa  kan dhimma gabricha isaa Raawwatee fi gargaaru 

33.  Alhamiidu 

Galatoomfatamaa  kan Maqaa isaatiinis ta’e haala isaa akkasumas hojii isaarratti galatoomfatamaa kan ta’e 

34.  Almowlaa 

Jaalallee /Gargaaraa  gooftaa Mootii akkasumas kan gabroottan isaa gargaaru 

35.  Annaasiru 

Tumsaa  kan nama Inni tumseef wanti moo’atu hin jirre 

36.  Assamii‘u 

Dhaga’aa  dhaga’aa icciitis ta’ee sagaleen kamiyyuu kan isa jalaa hin baane 

37 .  Albasiiru 

Argaa kan argaan isaa waan hunda wal ga’ee fi waa tokkollee isa jalaa dhokattuu hin dandeenye 

38.  Ashahiidu 

Hordofaa /Ragaa  kan uumama isaa too’atuu fi tokkochummaa isaa akkasumas haqaan Murteessurratti kan Ragaa ofii bahee warra itti amaneef Ragaa bahu 

39.  Arraqiibu 

Hordofaa Hundaa kan haala hunda Gabrootaa kan too’tu 

40. Arrafiiqu 

Gara-laafaa suuta jechuu kan jaallatuu fi kan gabroottan isaatti laaffisuu Jaallatu 

41.  Alqariibu 

Dhihoo Hundaa :arshii isaarra jiraachuu wajjiin beekkumsa isaatii fi dandeettii isaatiin uumama isaatti dhihoo kan ta’e 

42.  Almujiibu 

Awwaataa kan nama isa kadhateef kadhaa isaa dhagaheefii waan fedhii isaatii kennuuf 

43.  Almuqiitu 

Uumaa fi Raabsaa yeroo fi soorataa 

44.  Alhasiibu 

Akkaan Herregaa  kan waan gabrootin isaa barbaadan guutee waan isaan Duniyaattii hojjetan Aakiratti isaaniif kennu 

45.  Almu‘uminu 

Dhugoomsaa  kan ergamtoota isaatii Ragaa bahee dhugoomsuufi kan duniyaattis ta’e Aakiraatti nagaa buusu 

46.  Almannaanu 

Badhaasaa  kan tolli isaa guddaa kan qananiin isaa bal’aa kan kenni isaa baay’ee 

47.  Axxayyibu 

Gaarii  kan hiruu hundarraa qulqulluu ta’eefi kan waan gaarii hundaan guutuu ta’e 

48.  Ashaafii 

Fayyisaa  dhukkuba qalbiis ta’e kan qaamaa kan fayyisu 

49.  Alhafiizu 

Tiiksaa kan Gabroottan isaa eegu 

50.  Alwakiilu 

Irkoo hundaa kan addunyaan kun hundi uumuufi sirreessuu keessattis ta’e  waan hojjetanii fi waan barbaadan keessatti isatti hirkatan 

51.  Alkhallaaqu 

Irra caalaa uumaa waan hundaa  Duras kan uumeefi gara fuulduraatti kan uumu 

52.  Alkhaaliqu 

Uumaa kan utuu wahirraa hin ilaalan jalqabee uume 

53.  Albaari‘u 

Haaraa Argamsiisaa  kan waan ufii uumee argamsiise kana ifatti baasee 

54.  Almusawwiru 

Suuraa fedhe irratti uumaa 

55.  Arrabbu 

Guddisaa /Horataa waa hundaa 

56.  Al–aziimu 

Ulfaataa /Guddaa  /Kan Maqaa isaas ta’e Innis kabajamaa ta’e 

57.  Alqaahiru 👇

58.  Alqahhaaru 👇

Injifataa  kan wanti isa malee jiru hundi isaaf gadi jedhuufi kan waa hundi isa jalatti bulu 

59. Almuheeyminu 

Eegaa waan hundaa kan ta’eefi kan too’atu jechuudha 

60.  Al–aziizu 

Injifataa kan waan hundaa injifatuu fi kan wanti tokkollee eeyyama isaa malee hin sochoone jechuudha

61.  Al–jabbaaru 

Abbaa humna cimaa kan waan fedhee bakkaan gahuu Danda’uufi kan uumamni hundi isaaf gadi jedhuufi kan waa hundi harka isaa kajeelu 

62.  Almutakabbiru 

Boonaa kan hir’inaa fi waan isaa hin malle hundarraa akkasumas gabroottan miidhuu irraa kan ol ta’ee fi warra boonuu gadi qabee kan xiqqeessu jechuudha

63.  Al–kabiiru 

Guddaa ofii isaatiifis ta’e Maqaa isaatiinis guddaa kan waa hundaa caaluu fi wanti itti qixxaa’u kan hin jirre 

64.  Al–hayyiyu 

Saalfataa  Saalfii isaaf malu kan saalfatu nama isa kadhatee kan harka duwwaa hin deebifne 

65.  Al–hayyu 

Jiraataa kan jireenyi isaa guutuu ta’ee fi asirraa jalqabee asitti dhumaa hin qabne 

66.   Al–qayyuumu 

Of-Ga’aa kan waan ofii gochuu barbaadu  keessatti waan tokkottii hin haajomne kan waanti samii fi dachii keessa jirummoo isatti haajoman 

67.   Al–waarisu 

Dhaalaa kan Erga wanti hundumtuu dhumee inni qofti hafee wanti Inni duniyaa kanarratti namatti kenne harka isaatti deebi’u jedhama 

68.   Addayyaanu 

Kan Jazaa Deebisu  kan uumamni hundi gara isaatii deebifamee mindaa waan isaan dalaganii yoo gaarii ta’e baay’isee yoo  fokkottu ta’emmoo akkasumatti mindaa kennuuf ykn araaramuuf 

69.  Al–maliku 

70.  Al–maaliku 

71.  Al–maliiku 

Mootii kan ajajuu fi dhowwaan harka isaa jiru akkasumas waan uume akka barbaade gochuu kan danda’u duniyaa  ta’e Aakiraanis kan mootummaa isaa jala jiru jechuudha 

72.  Assubbuuhu

Hunda caalaa qulqulluu kan hir’ina hundarraa qulqullaa’e 

73.  Al–qudduusu 

Qulqulluu  kara hundaan qulqulluu fi guutuu kan ta’e 

74.  Assalaamu 

Naga ‘qabeessa Innis Nagaadha maqaan isaas Nagaadha hojiin isaas Nagaadha nageenyi duniyaa fi Aakiraatti argamus isummaaraati 

75.  Alhaqqu 

Dhugaa inni haqaan gabbaramaa ta’uu isaa keesatti tokkochummaa isaa keessatti dhugaadha 

76.  Almubiinu 

Ifa Baasaa  inni ifa galaa waa’een isaa beekkamaa ta’ee kan waan Hunda Gabroottan isaatiif ifa galchuudha 

77.  Alqawiyyu 

Jabaa kan dandeettii kana hin jedhamnee fi fedhii guutuu ta’e qabu 

78.   Almatiinu 

Daran cimaa kan dandeettii cimaa qabuu fi waan hojjetu keessatti rakkini isa hin mudanne 

79.  Alqaadiru 

Hunda Danda’aa ——–

   Kan wanti isa dadhabsiisu 

   Hin jirree fi inni kan dandeettii     Namaaf kennu 

80.  Alqadiiru 

Danda’aa –

81.  Almuqtadiru 

Abbaa Dandeettii —-

82.  Al‘aliyyu 

Hundaa ol kan ta’e

dandeettiidhaanis ta’e humnaanis waanuma hundaanuu kan hundaa ol ta’e jechuudha 

83.    Al ‘a‘alaa 👇

84.   Almuta‘aalu 👇

Ol’ta’aa kan olta’iinsa isaa tiin wanti qixxaa’u hin jirre 

85.   Almuqaddimu 

Dursaa kan uumama isaa keessaa akka isaaf malutti kan fedhe dura buusu jechuudha 

86.   Almu‘akkiru 

Tursiisaa kan waan fedhe dura buusee waan fedhemmoo booda aansu akkasumas kan adaba isaanirraa tursiisu jechuudha 

87.    Almusa‘iru 

Gatti kennaa gattii wantoota adda addaa kan dabalchiisuu fi kan hir’isiisu jechuudha

88.  Alqaabidu 

Qabataa Rizqii kan Rizqii ta’ee lubbuu IL Maan Namaa of biratti qabu jechuudha 

89.   Albaasixu 

Bal’isaa Rizqii kan gabroottan isaa keessaa Abbaa barbaadeef Rizqii bal’isu warri badii hojjetan immoo akka gara isaa deebi’aniif harka isaa kan bal’isuuf 

90.   Al`awwalu 

Isa Duraa/Jalqabaa isa dura kan wanti tokkollee hin jirre aairraa jalqaba jechuun kan hin danda’amneedha

91.   Al`aakiru 

Isa Maayyi/Boodaa kan isa booda wantitokkoyyuu hin hafne wanti jiru hundi dhumee inni qofti kan hafu jechuudha akkasumas jireenyi isaa dhuma qaba kan hin jedhamne.

92.  Azzaahiru 

Mul’ataa karaa hundaan kan waan hundatti marsee jiruuf kan waa Hunda of jalatti bulchu jechuudha 

93.  Albaaxinu 

Dhokataa  kan utuu uumamatti dhihaatee jiruu uumamni isaa addunyaa kanaratti isa arguu hin dandeenye 

94.  Alwitru

Qara inni tokkicha kan wanti itti qixxaa’u hin jirre 

95.    Assayyidu 

Gooftaa Hundaa  inni gooftaa waan hundaati uumamni isaa hundi gabroottan isaati 

96.  Assamadu 

Irkoo Hundaa  kan uumamni hundi itti haajamuu fi kan isa kadhatanii dhimma isaanii itti dhiheeffatan 

97.  Alwaahidu.

98.  Al’ahadu 

Tokkicha  {kan waan 

  Gaariidhaan.      guutamuu

                                     Keessatti Tokkicha }

Tokkichoomee  wanti isatti fakkaatu hin jiru akkuma wanti gabbaramuu haqa godhatu isa malee hin jirre jechuudha 

99.  Al‘ilaahu 

Gabbaramaa kan dhugaadhaan gabbaramu isa malee kan hin jirree fi wanti isa malee jiru kamiyyuu gabbaramuu hin qabu jechuudha
Kuni MAQOOTA RABBI 99 Hiikkaa isaanii wajjiin 

By  Mohamed Nour Badri  

Al-risala-tube

Al hamdu  lillaah 
fedhii rabbii guddaatiin
xumuurame. 
෴෴෴෴෴෴෴෴෴

ြၜAl-risala-tube
ြၜGaarommina qalbii.   2020